.jpg)
មេបេីកបនល្បែងសុីសងឈ្មោះម៉ាប់ រហាសនាមថាសេះស ដែលបាន កំពង់តែរៀបចំកញ្ចាប់សំរាប់អ្នកកាសែត និងសមត្ថកិច្ចក្នុងតំបន់ ដើម្បីបន្តដំណើរការល្បែងសុីសងខុសច្បាប់ទៅមុខធ្វេីជាអាជីព ទើបនិងចាប់ផ្តើមបេីកយ៉ាងរលូន និងមិនឲ្យមានកាសែតចុះផ្សាយឡេីយ ។
កន្លងមកថ្មីៗនេះសម្តេចតេជោ ហ៊ុន សែន ប្រមុខដឹកនាំរាជរដ្ឋាភិបាលកម្ពុជាបានថ្លែងបញ្ជាក់យ៉ាងច្បាស់ថា ការដាស់តឿនក្រេីនរំលឹកជាច្រើនលើកច្រើនសារមកហេីយនិងបានធ្វើដំណើរមកដល់ចំណុចមួយគឺអភិក្រមទី៥ សម្តេច តេជោ ហ៊ុន សែន នាយករដ្ឋមន្ត្រី បានព្រមានធ្ងន់ៗយ៉ាងដូច្នេះថា” ចាប់ពី
ពេលនេះទៅ មេប៉ុស្តិ៍ មេឃុំ ចៅសង្កាត់ ចៅហ្វាយស្រុក ខណ្ឌ ចៅហ្វាយខេត្ត ក្រុង រាជធានី ត្រូវតែយកចិត្តទុកដាក់ឲ្យខ្លាំងក្លាបំផុត ដោយចុះល្បាតតាមដានរកមើលទីតាំងដែលលួចបើកបនល្បែងស៊ីសងដោយខុសច្បាប់ ដូចជាល្បែងជល់មាន់ បៀរអាប៉ោង ហ្គែមអុីនធឺណេត ចាក់ឆ្នោត ចាក់បាល់ កន្ទុយលេខ។ល។”ស្របពេលដែលរាជរដ្ឋាភិបាលបញ្ឈប់ការផ្តល់ គោលការណ៍និងអាជ្ញាប័ណ្ណអនុញ្ញាតឲ្យប្រកបអាជីវកម្មល្បែងភ្នាល់តាមម៉ាស៊ីនអេឡិចត្រូនិកតាមរយៈអុីន ធើ ណែត អនឡាញ ក្នុងនិងក្រៅប្រទេសនៅក្នុងព្រះរាជាណាចក្រកម្ពុជា ចាប់ពីថ្ងៃចុះហត្ថលេខាលើសារាចរណែនាំនេះតទៅ។
សូមបញ្ជាក់ផងដែរថា សង្វៀនជល់មាន់ក្បែររបងសួនការណាឌីយ៉ានេះ បានបើកលេងជាយូរឆ្នាំណាស់មកហើយ គឺចាប់តាំងពីលោក ពេជ្រ កែវមុនី ឡើងកាន់តំណែងជាចៅហ្វាយខណ្ឌមានជ័យ និងលោក ម៉េង វិមានដារ៉ា អធិការខ័ណ្ឌមកម៉្លេះ គឺ សង្វៀនជល់មាន់ចំណុចតំបន់សេះសរ ដែលស្ថិតក្នុងភូមិដំណាក់៣ សង្កាត់ស្ទឹងមានជ័យ៣ ខណ្ឌមានជ័យ ជាប់នឹងព្រំប្រទល់ខ័ណ្ឌពោធិ៍សែនជ័យ និងខ័ណ្ឌសែនសុខ រាជធានីភ្នំពេញ ផ្តើមចេញពីមេសង្វៀនជល់មាន់អត់ច្បាប់ឈ្មោះ ម៉ាប់នេះបានប្រព្រឹត្តកន្លងមក។មួយទៀតឈ្មោះអាខេសាន់ដែលបានលួចបេីកលេងជាយូរយាមកហេីយ គេប្រេីរូបភាពចងជាតង់ធ្វេីរោងសង្វៀននៅជាប់ក្បែរត្រពាំងឈូកក្នុងព្រៃនៅពីក្រោយសួនឧស្សាហកម្មកាណាឌីយាហេីយគេបានបេីកលែងជារៀងរាល់ថ្ងៃតាំងពីព្រឹកដល់ល្ងាច ពុំដែលឃេីញមានសមត្ថកិច្ចណាចុះបង្រ្កាបឡេីយ។
យោងតាមការផ្តល់ពត៍មានពីប្រជាពលរដ្ឋបានឲ្យដឹងថាបច្ចុប្បន្ននេះសង្វៀនជល់មាន់ នៅចំណុចត្រពាំងឈូកក្បែរដើមកាស្យា និងដើមត្នោតនៅពីក្រោយជាប់នឹងរបងសួនឧស្សាហកម្មកាណាឌីយ៉ា ស្ថិតក្នុងសង្កាត់ស្ទឹងមានជ័យ៣ ខ័ណ្ឌមានជ័យ ចូលតាមផ្លូវឌួងងៀប២ខាងកើតឆៀងខាងត្បូងវត្តអង្គតាម៉ិញនេះ បានបើកដំណើរការលេងយ៉ាងគគ្រឹកគគ្រេងដោយចំហរជាយូរឆ្នាំណាស់មកហើយ គេមិនដែលឃើញមានសមត្ថកិច្ចក្នុងមូលដ្ឋាន ឬសមត្ថកិច្ចខាងក្រសួង និងកម្លាំងអន្តរាគមន៍ក្រុង ចុះមកចាត់វិធានការទប់ស្កាត់ និងបង្ក្រាបបានម្តងណាឡើយ ជាក់ស្តែងគេឃើញក្រុមអ្នកជល់មាន់បានណាត់ ជួបគ្នាយ៉ាងគគ្រឹកគគ្រេងដោយមានអ្នកស្ពាយកន្ត្រកមាន់ជល់ចុះពីលើរថយន្តនិងម៉ូតូទៀតផង។
គួររំលឹកផងដែរ រហូតមកទល់ពេលនេះសង្វៀនជល់មាន់កណ្តាលក្រុងភ្នំពេញ ក្រោយសួនឧស្សាហកម្មកាណាឌីយ៉ា គេឃើញនៅតែមានសកម្មភាពក្រុមអ្នកញៀនល្បែងស៊ីសងភ្នាល់ជល់មាន់បានមកប្រមូលផ្តុំគ្នាយ៉ាងពពាក់ពពូនយកមាន់មកភ្នាល់លេងដាក់លុយម៉ាសេរីដោយគ្មានការរំខានពីអាជ្ញាធរនិងសមត្ថកិច្ចក្នុងមូលដ្ឋាននោះទេ ជាពិសេសគេឃើញសមត្ថកិច្ចមួយចំនួនទៅទទួលលាភសក្ការៈផលប្រយោជន៍ផ្ទាល់ខ្លួនទើបមិនចាត់វិធានការបង្ក្រាបសង្វៀនជល់មាន់មួយកន្លែងនៅក្រោយសួនកាណាឌីយ៉ានេះទាល់តែសោះ?តេីហេតុអី្វ?
ចំពោះករណីខាងលេីនេះ លោកអភិបាល នៃគណៈអភិបាលខណ្ឌមានជ័យ លោក ពេជ្រ កែវមុនី បានឆ្លើយដោះសារថា លោកបានឲ្យមន្ត្រីខ្លួនចុះទៅហាមឃាត់គេពីរបីដងហើយតែមេសង្វៀនជល់មាន់ខាងលើនេះមិនព្រមស្តាប់តាមបញ្ជាសោះ នៅ តែបន្តបើកលេងដដែលៗ ហើយសមត្ថកិច្ចគ្មានវិធានការបង្ក្រាប? ប៉ុន្តែនៅក្នុងកិច្ចប្រជុំកន្លងមកនេះលោកអភិបាលនៃគណៈអភិបាលខណ្ឌបានចាប់បង្ខំជម្រុញឲ្យលោកចៅសង្កាត់ និងនាយនគរបាលប៉ុសិ៍្តរដ្ឋបាលទាំងអស់ ចុះហត្ថលេខាទទួលខុសត្រូវក្នុង ការលុបបំបាត់ទីតាំងសង្ស័យបង្កើតល្បែងស៊ីសង និងល្បែងភ្នាល់នានានៅក្នុងភូមិសាស្ត្ររបស់ខ្លួន ។
លោកអភិបាលខណ្ឌមានជ័យបានធ្វើការណែនាំដល់អាជ្ញា ធរសង្កាត់ និងលោកនាយប៉ុសិ៍្តរដ្ឋបាលទាំងអស់ធ្វើយ៉ាងណាទទួលខុសត្រូវឲ្យបានក្នុងការលុបបំបាត់ល្បែងស៊ីសង ល្បែងភ្នាល់ដែលកើតមាននៅតាមបណ្តាមូលដ្ឋានក្នុងឃុំ.សង្កាត់នានាក្នុងខណ្ឌឲ្យអស់ជាស្ថាពរ៕
ដោយចាងហ្វាងការផ្សាយ ០៣១២៥២៥៨៨០/០៩៥៣៣០៩៧៧
