ខេត្តបាត់ដំបង ៖ សមត្ថកិច្ចបានធ្វើការឃាត់ខ្លួនបុរសម្នាក់
បន្ទាប់ពីត្រូវបានប្រពន្ធរបស់ខ្លួនដាក់ពាក្យប្តឹង ពីបទ រំលោភសេពសន្ថវៈ មានស្ថានទម្ងន់ទោសទាក់ទងនឹងជនរងគ្រោះដែលជាអនីតិជន។
យោងតាមពាក្យបណ្ដឹងរបស់ឈ្មោះ អ ស ម ! ភេទស្រី អាយុ២៩ឆ្នាំ រស់នៅ ស្រុកមោងឫស្សីខេត្តបាត់ដំបង កាលពីថ្ងៃទី២៩ ខែសីហា ឆ្នាំ២០២១ បានមកដាក់ពាក្យបណ្តឹងប្ដឹងលើឈ្មោះ វ៉ាង សីហាក់ ! ភេទប្រុស អាយុ២៧ឆ្នាំ រស់នៅ ស្រុកមោងឫស្សី ដែកត្រូវជាប្តីចុង ថា៖បានចាប់រំលោភលើកូនស្រីរបស់ខ្លួនឈ្មោះ ស ស ល ! អាយុ១៣ឆ្នាំ រស់នៅក្នុងបន្ទុក នៅស្រុកមោងឫស្សី បានសម្រេចចំនួន០២លើកខណះដែលបានចេញទៅធ្វើការរោងចក្រ។
ក្រោយពីសមត្ថកិច្ចធ្វើការឃាត់ខ្លួនរួចមក ជនសង្ស័យបានសារភាពថា៖ នៅពេលដែលប្រពន្ធរបស់ខ្លួនទៅធ្វើការនៅក្នុងរោងចក្រកាត់ដេរនៅភ្នំពេញ ដោយទុកកូនស្រីឲ្យនៅជាមួយបងធម៌រួចមក ខ្លួនក៏បានលួងលោមឲ្យកូនស្រីមកដេកផ្ទះវិញ ដោយបានល្បួងរំលោភបានសម្រេចចំនួន២លើក នៅលើកទី១ គឺនៅក្នុងខែសីហា ឆ្នាំ២០២១ វេលាម៉ោង១២យប់ នៅនឹងផ្ទះរបស់ខ្លួននិង លើកទី២ កាលពីថ្ងៃទី២៨ ខែសីហា ឆ្នាំ២០២១ វេលាម៉ោង១១យប់ ចំណុចកន្លែងដដែល។ បន្ទាប់ពីសួរនាំរួច បច្ចុប្បន្នជនសង្ស័យខាងលើត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោងឫស្សី ដើម្បីកសាងសំណុំរឿងបញ្ជូនតាមនីតិវិធី៕
