លទ្ធផលនៃការរៀបចំវេទិកាសាធារណៈថ្នាក់ជាតិស្រុកប្រាសាទបាគងឆ្នាំ២០១៩កន្លងមក បានចំនួន ៤លើក នៅឃុំកណ្តែក ឃុំអំពិល ឃុំបាគង និងឃុំមានជ័យ មានប្រជាពលរដ្ឋចូលរួមសរុបចំនួន ១៧៥៣នាក់ ស្រី៩១៦នាក់ សំណួរនិងសំណូមពរដែលបានលើកឡើងមានចំនួន៧៨សំណួរនិងសំណូមពរ ។ សំណួរនិងសំណូមពរភាគច្រើនពាក់ព័ន្ធនិងការស្នើសុំអនុញ្ញាតិសាងសង់ផ្ទះនៅតំបន់១និងតំបន់២ ដែលគ្រប់គ្រោងដោយអាជ្ញាធរជាតិអប្សរា បញ្ហារអគ្គីសនី និងហេដ្ឋារចនាសម្ព័ន្ធផ្លូវថ្នល់ ។ 
តាមការគ្រោងទុក នៅឆ្នាំ២០២០ វេទិកាសាធារណៈថ្នាក់ជាតិ នឹងត្រូវអនុវត្តរៀបចំបន្តទៀត នៅតាមបណ្តារឃុំ ដែលមិនទាន់បានរៀបចំធ្វើវេទិកាថ្នាក់ជាតិនេះនៅឡើយ។ 
ផ្អែកតាមយុទ្ធសាស្រ្តចតុកោណដំណាក់កាលទី៣ នៃរាជរដ្ឋាភិបាលនីតិកាលទី៥ នៃរដ្ឋសភា ក្នុងខែមករា ឆ្នាំ២០១៤ កន្លងទៅ រាជរដ្ឋាភិបាលកម្ពុជាបានបង្កើតក្រុមការងារថ្នាក់ជាតិចុះមូលដ្ឋានក្នុងគោលបំណង ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៣ និងបច្ចុប្បន្នរាជរដ្ឋាភិបាលនីតិកាលទី៦ បានអនុវត្តបេសសកម្មរបស់ខ្លួនជាបន្តទៀត សំដៅលើកកំពស់គណនេយ្យភាព តម្លាភាព និងអភិបាលកិច្ចល្អ ធ្វើយ៉ាងណាអោយរដ្ឋបាលថ្នាក់ក្រោមជាតិ រួមមានថ្នាក់ខេត្ត ស្រុក ឃុំ ផ្តល់នូវសេវាសាធារណៈ ក៏ដូចជាសេវារដ្ឋបាលអោយបានល្អបន្ថែមទៀត ធានាបាននូវការអភិវឌ្ឍន៍រីកចំរើននៅមូលដ្ឋាន កាត់បន្ថយភាពក្រីក្រ និងបង្ខិតរដ្ឋបាលមកជិតប្រជាពលរដ្ឋនិងបង្កើនទំនុកចិត្តរបស់ប្រជាពលរដ្ឋមកលើរដ្ឋបាល ក៏ដូចជារាជរដ្ឋាភិបាលផងដែរ។ដកស្រង់ពីអត្ថបទលោកសូរ ប្លាតុង
