កាលរសៀលថ្ងៃទី២២​ ខែមករា​ ឆ្នាំ២០២០​នេះ​ ខ្ញុំបាទជួបសំណេះសំណាល សាកសួរសុខទុក្ខ ជាមួយតំណាងបងប្អូនប្រជាពលរដ្ឋ និងបងប្អូនប្រជាការពារ​ ៥ភូមិ​ ក្នុងឃុំបល្ល័ង្ក​ ស្រុកប្រាសាទបាគង​ ចំនួន ១២៥នាក់​ ក្នុងនោះមានប្រជាការពារចំនួន​៦០នាក់​ ដោយមានការចូលរួម​ ពីលោក​ អភិបាលរង​ លោកអធិការ​ អធិការរង​ លោកមេបញ្ជាការកងរាជអាវុធហត្ថ និងសឹករង​ស្រុក​ លោកមេឃុំ​ សមាជិកក្រុមប្រឹក្សាឃុំ​ លោកមេភូមិ​ និងលោកនាយប៉ុស្តិ៍​ ផងដែរ។ ក្នុងឱកាសនេះ ខ្ញុំបាទ​ បានចូលរួមរំលឹក និង​ នូវគោលនយោបាយភូមិឃុំមានសុវត្ថិភាព​ ទាំង៩ចំណុច ជូន​ ដល់បងប្អូនប្រជាពលរដ្ឋ និងបងប្អូនប្រជាការពារ​ ដែលបានចូលរួម​ និងសូមថ្លែងអំណរគុណ ចំពោះបងប្អូនប្រជាការពារស្ម័គ្រចិត្ត ភូមិទាំងអស់ ដែលបានចូលរួមយ៉ាងសកម្ម ក្នុងការ អនុវត្តគោលនយោបាយភូមិ ឃុំមានសុវត្តិភាព នៅក្នុងមូលដ្ឋានយើង​ កន្លងមកផងដែរ ។

នាពេលប៉ុន្មានថ្ងៃចុងក្រោយនេះ​ កម្ពុជាយើង រងនូវផល់ប៉ះពាល់​ ពីបញ្ហារ​ផ្សែងពុល​កំរិតស្រាល តែក៏ទាមទាអោយបងប្អូនប្រជាពលរដ្ឋត្រូវមានការប្រុងប្រយត្ន័ចំពោះបញ្ហារសុខភាព​ និងបញ្ហារខ្យល់ដកដង្ហើម​ ។ ដើម្បីជាចំណែកចូលរួមដោះស្រាយបញ្ហារនេះក្នុងអភិបាលស្រុកខ្ញុំបាទ​ បានស្នើរ អោយបងប្អូនប្រជាពលរដ្ឋ និងបងប្អូនប្រជាការពារ​ ចូលរួម​ ទប់ស្កាត់​ ការដុត​សំរាម​ ជ័រផ្លាស្ទិក ជាពិសេសចូលរួមទប់ស្កាត់ដុតទន្ទានព្រៃឈើ ​ក្នុងមូលដ្ឋានករណីកើតមាន​ សូមរាយការណ៍មកអាជ្ញាធរមានសមត្ថកិច្ចអោយបានលឿនបំផុត​ ដើម្បីរួមគ្នា​ទប់ស្កាត់​ ។

ក្នុងកម្មវិធីជួបសំណេះសំណាល នេះ​ ក៏មានរៀបចំពិធីពិសារបាយសាមគ្គី រួមគ្នា​ផងដែរ៕

យោងតាមអត្ថបទក្នុងផេករបស់លោកស៊ូ ប្លាតុង អភិបាលស្រុកប្រាសាទបាគង