ភ្នំពេញ៖ យុវជនម្នាក់ជិះម៉ូតូមកឈប់មុខផ្ទះចុះដេីរទៅបេីកទ្វាចូលផ្ទះដោយមិនបានដកសោរម៉ូតូចេញ ស្រាប់តែលេចមុខជនសង្ស័យម្នាក់មកឡើងជិះចេញទៅ ឃេីញដូចនេះក៏ស្ទុះទៅទាញចង្កូតបណ្តាលឲ្យដួលភ្លាមនោះជនសង្ស័យក៏ស្ទុះមកវាយជនរងគ្រោះមួយប្រាវទេីបអ្នកជិតខាងឃេីញមកជួយចាប់ជាប់ប្រគល់ជូននគរបាលតែម្តង។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីព្រឹក ថ្ងៃទី១ ខែធ្នូ ឆ្នាំ២០២០ នៅក្នុងបុរីពិភពថ្មីកំបូល សង្កាត់កន្ទោក ខណ្ឌកំបូល រាជធានីភ្នំពេញ។ 
ជនសង្ស័យឈ្មោះស៊ុំ វាសនា ភេទប្រុស អាយុ៣៩ឆ្នាំ មុខរបរជាងសំណង់ ស្នាក់នៅសង្កាត់កន្ទោក ខណ្ឌកំបូល មានស្រុកកំណេីតនៅសង្កាត់បឹងសាឡាង ខណ្ឌទួលគោល។
ចំណែកជនរងគ្រោះឈ្មោះជនកុសល ភេទប្រុស អាយុ១៩ ឆ្នាំមុខរបរលក់ដីឡូ ស្នាក់នៅបុរីពិភពថ្មី សង្កាត់កន្ទោក ខណ្ឌកំបូល។
តាមសម្តីជនរងគ្រោះបានឲ្យដឹងថា មុនពេលកេីតហេតុគាត់បានជិះម៉ូតូហុងដា ឌ្រីមសង់ ពណ៌ខ្មៅ ពាក់ស្លាកលេខភ្នំពេញ1HH 7726 មកឈប់នៅមុខផ្ទះបន្ទាប់មកចុះពីលេីម៉ូតូដោយមិនបានដកសោរចេញហេីយដេីរទៅបេីកទ្វាផ្ទះភ្លាមនោះស្រាប់តែមានជនសង្ស័យម្នាក់ដេីរមកឡេីងជិះបញ្ឆេះម៉ូតូជិះចេញទៅ តែរូបគាត់ឃេីញទាន់ក៏ស្ទុះទៅចាប់ដៃចង្កូតបណ្តាលឲ្យដួលម៉ូតូ។ ភ្លាមនោះជនសង្ស័យក៏ស្ទុះមកវាយទេីបធ្វេីឲ្យតដៃមួយប្រាវ ជនសង្ស័យក៏ព្យាយាមរត់គេចខ្លួនតែត្រូវបានប្រជាពលរដ្ឋដេញចាប់ជាប់តែម្តង។ក្រោយកេីតហេតុជនសង្ស័យត្រូវបានសមត្ថកិច្ចនាំខ្លួនមកប៉ុស្តិ៍នគរបាលរដ្ឋបាលកន្ទោកដេីម្បីកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
