ខេត្តសៀមរាប៖ប្រជាពលរដ្ឋដឹងច្បាប់ណាស់ថា ធ្យូងជាប្រភពដេីមចមនៃការបំភ្លេចបំផ្លាញធនធានធម្មជាតិយ៉ាងវិនាសហិនហោចបេីសមត្ថកិច្ចជំនាញមិនយកចិត្តទុកដាក់ថែរក្សារការពារព្រៃឈេីឲ្យបានម៉ត់ចត់ទេនោះ...!
ក្រៅពីសេចក្តីរាយការណ៍ តាមបណ្តាញផ្សាយព័ត៌មាន ក៏មានរបាយការណ៍ស៊ើបអង្កេតនានារបស់សង្គមស៊ីវិល ក៏ដូចជាសក្ខីកម្មរបស់ប្រជាសហគមន៍ដែរ ដែលបង្ហាញថាព្រៃឈើក្នុងតំបន់ដែនជម្រកបឹងពេក្នុងខេត្តសៀមរាមនៅតែរងការបំផ្លិចបំផ្លាញជារៀងរាល់ថ្ងៃ ។ តើហេតុអ្វីបានជាឈ្មួញរកសុីប្រមូលទិញអុសធ្យូងខុសច្បាប់ឈ្មោះយឿន ឈ្មោះយាយឡន ឈ្មោះឈីនិងឈ្មួញដ៍ទៃៗទៀត នៅក្នុងទឹកដីខេត្តសៀមរាបមានឥទ្ធិពលខ្លាំងជាងបទបញ្ជារបស់សម្ដេចតេជោ ហ៊ុន សែន កាលនៅកាន់ដំណែងជានាយករដ្ឋមន្ត្រីយ៉ាងដូច្នេះទៅវិញ ?
ឈើប្រណីតក្តីមិនប្រណិតក្តី ដែលប្រភពអះអាងថាត្រូវបានឈ្មួញជាថៅកែធ្យូងដែលមានឈ្មោះខាងលេី បំផុសឲ្យមនុស្សមួយក្រុមសំខាន់ៗ ចូលកាប់ឈើក្នុងព្រៃដែនជម្រកបឹងពេ ពិសេសព្រៃដែលនៅសេសសល់បន្តិបន្តួចប៉ែកខាងកេីត ខាងជេីង វត្តភ្នំពេីងនិងខាងជេីងភូមិក្បាលខ្មោចស្ថិតក្នុងឃុំខ្វាវ ស្រុកជីក្រែង ខេត្តសៀមរាបយកមកដុតធ្វេីអុសធ្យូងដោយខុសច្បាប់ ហើយដឹកចេញតាមរថយន្តសាំងយុ៉ងយកទៅលក់តាមបណ្តាខេត្តនានា។ល។
នៅថ្ងៃទី ២៤.២៥ ខែសីហា ឆ្នាំ២០២៣ មានសេចក្តីរាយការណ៍មកថា : មានឡានសាំងយ៉ុងរបស់ឈ្មោះ(ភាណៃ)និងឈ្មោះ(យាយរី)(តាផ្លោយ)ជាច្រេីនគ្រឿង បានប្រមូលទិញធ្យូងពីឈ្មួញកណ្តាល(ឈ្មោះយឿន)(យាយឡន)ឈ្មោះ(ឈី)ដឹកចេញពីភូមិថ្មី ភូមិខ្វាវ ភូមិពង្រលេី ឆ្លងកាត់មុខស្នាក់ការបរិស្ថានទួលខ្សាច់ ឆ្លងកាត់មុខស្នាក់ការរដ្ឋបាលព្រៃឈេីខ្វាវ យកទៅលក់តាមខេត្តកំពង់ធំ ខេត្តកំពង់ចាម បានយ៉ាងត្រជាក់ចិត្តដោយមិនមានការបង្រ្កាបទប់ស្កាត់ពីសំណាក់សមត្ថកិច្ចជំនាញឈរជេីងតាមដងផ្លូវដូចបានបញ្ជាក់ជូនខាងលេី នេះជាសក្ខីកម្មដែលប្រជាពលរដ្ឋដាក់ការសង្ស័យថាបេីមិនមានការឃុបឃិតឬសំណូកសូកប៉ាន់ដល់ជំនាញទាំងនេះទេប្រាកដជាមិនអាចដឹកជញ្ជូនធ្យូងខុសច្បាប់បានឡេីយ។ 
មេឈ្មួញធ្យូងទាំងអស់ខាងលើនេះ ត្រូវបានដឹកជញ្ជូនចេញពីភូមិខ្វាវ ភូមិស្រោង ភូមិថ្មី ភូមិពង្រលេីស្ទើរតែរៀងរាល់ថ្ងៃ និងតាមគ្រប់មធ្យោបាយទៅលក់តាមខេត្តនានា។ ការដឹកលួចលាក់ដោយប្រើប្រាស់គ្រប់មធ្យោបាយ ដើម្បីបាំងភ្នែកសមត្ថកិច្ច គឺជារឿងមួយ ប៉ុន្តែ ការដឹកជាចំហរដោយមានការរៀបចំជាបណ្តាញគឺជារឿងមួយទៀត ។
ចំពោះមេឈ្មួញកណ្តាលធំជាងគេប្រចាំឃុំខ្វាវគឺមានឈ្មោះ(យឿន)ឈ្មោះ(យាយឡន)ឈ្មោះ(ឈី)ដែលតែងតែអះអាងថាការលក់ធ្យូងនិងដឹកជញ្ជូនមិនបានខុសនិងច្បាប់អ្វីនោះទេ។
សំណួរសួរថា៖ តើហេតុអ្វីបានជាឈ្មួញអាចចូលទៅកាប់ឈើយកមកដុតធ្វេីជាអុសធ្យូងបាន? តើហេតុអ្វីបានជាឈើអាចចេញពីព្រៃរួច? និងតើហេតុអ្វីបានជាឈើដុតចេញជាអុដធ្យូងអាចចរាចរណ៍ដល់ព្រំដែននិងឆ្លងដែនបានយ៉ាងងាយបែបនេះ? បើសូម្បីតែគ្រឿងញៀនដែលគេអាចលាក់រហូតដល់ក្នុងពោះក៏គង់តែសមត្ថកិច្ចចាប់បាន។ ចុះការកាប់និងដឹកជញ្ជូនឈើចេញពីព្រៃមកធ្វេីជាអុសធ្យូងដែលគេត្រូវការមធ្យោបាយយ៉ាងសន្ធឹកសន្ធាប់ហើយត្រូវដឹកតាមគោយន្តកន្ត្រៃឬរថយន្ត តាមផ្លូវថ្នល់សោះហេតុអ្វីមិនអាចចាប់បាន? បើនិយាយថា សមត្ថកិច្ចមិនអាចចូលដល់ព្រៃជ្រៅដើម្បីពិនិត្យមើលការកាប់ព្រៃឈើរបស់ឈ្មួញបានទេនោះ វារឹតតែជារឿងមិនអាចជឿបានទៅទៀត។ មិនអាចជឿបាន ដោយហេតុថា សូម្បីប្រជាសហគមន៍ក៏អាចចូលដល់ទីតាំងកាប់ឈើបានដែរ។ បើទោះជាមិនបាច់ចូលព្រៃក៏គេអាចទប់ស្កាត់ឈើ ដែលចរចាចរណ៍តាមដងផ្លូវបានយ៉ាងងាយដែរ។
ហេីយជារឿយៗ គេឃើញសមត្ថកិច្ចចាប់បានឈើដែលដឹកបន្លំតាមរថយន្តទំនើបៗ ឬរថយន្តក្រុងជាដើម។ ប៉ុន្តែ ឈើដែលសមត្ថកិច្ចចាប់បានជាប្រភេទឈើ ដែលដឹកតាមមធ្យោបាយតូចៗតែប៉ុណ្ណោះ។
រីឯការចាប់នេះទៀត គឺចាប់បានតែឈើប៉ុណ្ណោះ រីឯឈ្មួញរកស៊ីឈើធំៗមិនដែលចាប់បានទេ។
ជាការពិតណាស់ ! មានហេតុផលគ្រប់គ្រាន់ដែលបញ្ជាក់ថា: ការទប់ស្កាត់ជំនួញធ្យូងខុសច្បាប់មិនជាការពិបាករហូតដល់គ្រប់គ្រងមិនបាននោះទេ។
តាមពិត ការកាប់ឈើមិនមែនជារឿងពិបាកនឹងដឹងនោះឡើយ។ សូម្បីតែប្រជាសហគមន៍ក៏អាចមើលឃើញសកម្មភាពកាប់បំផ្លាញព្រៃឈើយកមកធ្វេីអុសធ្យូងយ៉ាងច្បាស់ដែរ ហើយពួកគេតែងតែនាំគ្នាចូលព្រៃដើម្បីបង្អាក់សកម្មភាពនេះទៀតផង។ ប៉ុន្តែ អ្វីដែលគួរឲ្យកត់សម្គាល់នោះគឺ អាជ្ញាធរបែរជាមិនសហការណ៍ និងជួនកាលថែមទាំងបានរារាំងសកម្មភាពរបស់ប្រជាសហគមន៍ និងក្រុមអ្នកសារព័ត៌មានទៅវិញ។ ទាំងនេះជាកញ្ចក់ឆ្លុះបញ្ចាំងបានអំពីអ្វីដែលនៅពីក្រោយវាំងនននៃជំនួញអុសធ្យូងខុសច្បាប់នៅក្នុងឃុំខ្វាវ ។មានមូលហេតុច្រើនយ៉ាង ដែលនាំឲ្យជំនួញអុសធ្យូងក្លាយជាបញ្ហាមិនអាចគ្រប់គ្រងបាន។ មូលហេតុសំខាន់បំផុតគឺការឃប់ឃិតគ្នាជាខ្សែបណ្តាញរវាងឈ្មួញរកសុីអុសធ្យូងជាមួយអាជ្ញាធរមានសមត្ថកិច្ចខិលខូចមួយចំនួន។ មូលហេតុសំខាន់មួយទៀតគឺ ឈ្មួញអ្អ្នករកសុីធ្យូងច្រើនតែជាអ្នកមានឥទ្ធិពល ឬ មានខ្នងបង្អែករឹងមាំ។ ក្នុងករណីនេះ សមត្ថកិច្ចដែនដីគ្មានជម្រើសអ្វីក្រៅពី ធ្វើគ ធ្វើថ្លង់ នោះឡើយ ពីព្រោះតែពួកគេខ្លាចអំណាចរបស់មន្ត្រីអ្នកមានបុណ្យស័ក្តិធំជាងខ្លួន។
រូបភាពដោយ:ពេជ្រ សំអាងរិទ្ធ
អត្ថបទដោយ:ម៉ែន សុវណ្ណ ចាងហ្វាងការផ្សាយ
ទូរស័ព្ទលេខ០៣១២៥២៥៨៨០.
០៩៥៣៣០៩៧៧
